(နေပြည်တော် မတ် ၂၉၊ ၂၀၁၀ခုနှစ်)
* နိုင်ငံတော်ဝန်ကြီးချုပ် ဗိုလ်ချုပ်ကြီးသိန်းစိန်သည် ကာကွယ်ရေးဝန်ကြီးဌာနမှ ဒုတိယဗိုလ်ချုပ်ကြီး ကိုကိုနှင့် ဒုတိယဗိုလ်ချုပ်ကြီးခင်ဇော်၊ ပဲခူးတိုင်း အေးချမ်းသာယာရေးနှင့် ဖွံ့ဖြိုးရေးကောင်စီ ဥက္ကဋ္ဌ တောင်ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ်လှမင်း၊ အစိုးရအဖွဲ့ အဖွဲ့ဝင်ဝန်ကြီးများ၊ ဒုတိယ၀န်ကြီးများနှင့် ဌာနဆိုင်ရာအကြီးအကဲများ လိုက်ပါလျက် မတ် ၂၈ရက် နံနက် ၉နာရီ ၄၅မိနစ်တွင် ရဟတ်ယာဉ်များဖြင့် နေပြည်တော်မှ ထွက်ခွာခဲ့ပြီး ပဲခူးတိုင်း တောင်ငူမြို့နယ်ရှိ သောက်ရေခပ်(၂) ရေအားလျှပ်စစ် စီမံကိန်း သို့ ရောက်ရှိသည်။* နိုင်ငံတော်ဝန်ကြီးချုပ်နှင့် အဖွဲ့ဝင်များအား ပဲခူးတိုင်းအေးချမ်းသာယာရေးနှင့် ဖွံ့ဖြိုးရေးကောင်စီ အတွင်းရေးမှူး ဦးကျော်ဆန်းနှင့် အဖွဲ့ဝင်များ၊ ရွှေစွမ်းအင် ကုမ္ပဏီလီမိတက်မှ တာဝန်ရှိသူများက ကြိုဆိုကြသည်။
* ထို့နောက် စီမံကိန်းရှင်းလင်းဆောင်၌ အမှတ်(၁) လျှပ်စစ်စွမ်းအားဝန်ကြီးဌာန ၀န်ကြီး ဗိုလ်မှူးကြီးဇော်မင်းက စီမံကိန်းရည်ရွယ်ချက်၊ တည်နေရာ၊ နှစ်စဉ်ပျမ်းမျှစီးဝင်ရေ၊ ကန်ရေပြည့် ရေလှောင်ပမာဏ၊ တမံအမျိုးအစား၊ တပ်ဆင်စက်အင်အားနှင့် နှစ်စဉ်ပျမ်းမျှထုတ်လုပ်မည့် ဓာတ်အားပမာဏတို့ကိုလည်းကောင်း၊ စီမံကိန်းလုပ်ငန်းများကို တာဝန်ယူဆောင်ရွက်လျက်ရှိသည့် ရွှေစွမ်းအင်ကုမ္ပဏီ လီမိတက်ဥက္ကဋ္ဌဦးထွန်းမြင့်နိုင်ကရေအား အဆောက်အအုံများ တည်ဆောက်နေမှု၊ ပင်မတမံ၊ ကုန်းကြောတမံ၊ ရေပိုလွှဲ၊ ရေလွှဲဥမင်လိုဏ်၊ ချဉ်းကပ်ဥမင်လိုဏ်နှင့် ရေသွယ်ဥမင်လိုဏ်လုပ်ငန်းများ ဆောင်ရွက်နေမှုနှင့် ပြီးစီးမှုအခြေအနေ၊ စက်ယန္တရားများ ရောက်ရှိမှုနှင့် ၀န်ထမ်းအင်အားစသည့် အချက်အလက်များကိုလည်းကောင်း ရှင်းလင်းတင်ပြကြသည်။
* တင်ပြချက်များအပေါ် နိုင်ငံတော်ဝန်ကြီးချုပ်ကလိုအပ်သည်များကို ပေါင်းစပ်ညှိနှိုင်း ဖြည့်ဆည်းစီမံဆောင်ရွက်ပေးသည်။
* ထို့နောက် စီမံကိန်းလုပ်ငန်းများတွင် ပါဝင်ဆောင်ရွက်နေသည့် တရုတ်ပြည်သူ့သမ္မတနိုင်ငံမှ ပညာရှင်များအား သစ်သီးခြင်း လက်ဆောင်ပေးအပ်ပြီး စီမံကိန်းလုပ်ငန်းများ ဆောင်ရွက်နေမှုကို ရှုရပ်မှ ကြည့်ရှုစစ်ဆေးသည်။
* သောက်ရေခပ်(၂) ရေအားလျှပ်စစ်စီမံကိန်းသည် ပဲခူးတိုင်း တောင်ငူမြို့၏အရှေ့ဘက် ၁၄မိုင်ခန့်အကွာရှိ သောက်ရေခပ်ချောင်းပေါ်၌ တည်ရှိသည်။ တမံအမျိုးအစားမှာ CFRD (Concrete Faced Rock Fill Dam) အမျိုးအစားဖြစ်ပြီး တမံအလျား ၁၂၅၃ပေနှင့် တမံအမြင့် ၃၀၈ပေရှိသည်။ တပ်ဆင်စက်အင်အားမှာ ၁၂၀ မဂ္ဂါဝပ်ရှိမည်ဖြစ်ပြီး နှစ်စဉ်ပျမ်းမျှလျှပ်စစ် ဓာတ်အား ကီလိုဝပ် နာရီသန်းပေါင်း ၆၀၄သန်း ထုတ်လုပ်မည်ဖြစ်ကြောင်း သိရှိရသည်။
* နိုင်ငံတော်ဝန်ကြီးချုပ်နှင့် အဖွဲ့ဝင်များသည် ထိုမှတစ်ဆင့် ရဟတ်ယာဉ်များဖြင့် ဆက်လက်ထွက်ခွာခဲ့ပြီး ပဲခူးတိုင်း ရွှေကျင်မြို့နယ်ရှိ ရွှေကျင်ရေအားလျှပ်စစ် စီမံကိန်းသို့ ရောက်ရှိကြရာ ရေအားလျှပ်စစ် အကောင်အထည်ဖော်ရေး ဦးစီးဌာနညွှန်ကြားရေးမှူးချုပ် ဦးမြင့်ဇော်၊ နယ်မြေခံတပ်နယ်မှ ဒုတိယဗိုလ်မှူးကြီးမျိုးဝင်းနှင့် တာဝန်ရှိသူများက ကြိုဆိုကြသည်။
* ထို့နောက် နိုင်ငံတော်ဝန်ကြီးချုပ်သည် ရှင်းလင်းဆောင်ရှုရပ်ရှိ စီမံကိန်းပုံစံငယ်ကို ကြည့်ရှုစစ်ဆေးပြီး ရေလှောင်တမံနှင့် စီမံကိန်းအဆောက်အအုံများ တည်ဆောက်ပြီးစီးမှုကို ကြည့်ရှုစစ်ဆေးသည်။
* ယင်းနောက် ရှင်းလင်းဆောင်၌ နိုင်ငံတော်ဝန်ကြီးချုပ်အား ၀န်ကြီးဗိုလ်မှူးကြီးဇော်မင်းက စီမံကိန်းရည်ရွယ်ချက်၊ တည်နေရာနှင့် စီမံကိန်းဆိုင်ရာ အချက်အလက်များကို ဦးစွာရှင်းလင်းတင်ပြပြီး အကူရေပိုလွှဲနှင့် ကုန်းကြောတမံတည်ဆောက်ပြီးစီးမှုနှင့် ဆောင်ရွက်ဆဲလုပ်ငန်းများ၏ လုပ်ငန်းတစ်ခုချင်းအလိုက် တည်ဆောက်နေမှုအခြေအနေတို့ကို ရှင်းလင်းတင်ပြသည်။
